Giovedì, Novembre 02, 2006
Gabbroral Complex
"Heu qualis fortune terminus alte est!
Quam letis mens ceca bonis! furor ecce potentum:
precipiti gaudere loco. Status iste procellis
subiacet innumeris et finis ad alta levatis
est ruere. Heu tremulum magnorum culmen honorum,
spesque hominum fallax et inanis gloria fictis
illita blanditiis! heu vita incerta labori
dedita perpetuo, semperque heu certa nec umquam
sat mortis provisa dies! Heu sortis inique
natus homo in terris! animalia cuncta quiescunt;
irrequietus homo perque omnes anxius annos
ad mortem festinat iter. Mors, optima rerum,
tu retegis sola errores, et somnia vite
discutis exacte. Video nunc quanta paravi,
ah miser, in cassum, subii quot sponte labores,
quos licuit transire mihi. Moriturus ad astra
scandere querit homo, sed Mors docet omnia quo sint
nostra loco. Latio quid profuit arma potenti,
quid tectis inferre faces? Quid federa mundi
turbare arque urbes tristi miscere tumultu?
Aurea marmoreis quidve alta palatia muris
erexisse iuvat, postquam sic sidere levo
in pelago periturus eram? Carissime frater,
quanta paras animis? heu fati ignarus acerbi
ignarusque mei!"
tratto dal libro VI dell'Africa (F.Petrarca).
Magone, fratello d'Annibale, ferito, si e' imbarcato a Genova, per rientrare a Cartagine,
come gli e' stato ordinato dal senato cartaginese... morra' durante il viaggio.
